السمارة اليومية:السمارة
انتشرت فهدا صباح اليوم خبار بأن أصحاب هوندات نقل البضايع طلبو من المسافرين القادمين إلى السمارة عبر الحافلات ثمن 30درهم وأكثر باش ينقلوهم من المحطة الجديدة اربيب إلى السمارة.
هذا الشي إلى كان بصح راه خاص السلطات توقف اصحاب الهوندات عند حدهم ويتفرض عليهم تطبيق القانون فهاد الحالات ،الهوندات ماعندهم قانون اينظمهم غير الي شرا هوندا يخدم فيها ويدير اللي كالهالو راسو حنا راه 2025 اوهاديك لبسالة خاصها تسالي
السلطات فشخص عامل السمارة خصو يفرض سلطاتو على كل واحد كيدير مابغا ماشي نديرو عين شافت اوعين ماشافت ،خصو يعطي الاوامر ديالو للسلطات المختصة باش دير لازم ويفهمو بأن عين ميكة ديال السلطات ماشي ضعف منها.
راه مايمكن هوندا خدامة فالسمارة بلا قانون ويزيدوها برفع تسعيرة النقل بحال الى حنا ماشي فدولة راه لفوريان كاين وللي دار ذنب يستاهل لعقوبة.
المسألة الأخيرة خاص السلطات وجماعة السمارة والمهنيين ديال النقل يجلسوا ويلقاو حلول لمشكل التنقل بالسمارة خاصة التنقل من وإلى المحطة الطرقية الجديدة اربيب باش مايبقاو المواطنين عرضة لهاد الحيف
