السمارة اليومية:السمارة
رئيس جماعة السمارة ابراهيم الشريف نحج فأول اختبار مع ساكنة السمارة الاصلية حيث حقق إنجاز طال انتظاره لعشرات العائلات من ساكنة منطقة اربيب الاصلية بتعويضهم ببقع أرضية ومنازل بحي العودة
هاد العائلات انتظرت لعقود باش ايتم انصافها بطريقة او بأخرى ولكن ماقدر حتى شي مسؤول انو يلقى حل لهاد الملف ولا على الاقل ادير مجهود ولا يترافع على العائلات الي حست بلحكرة سنوات .
الخطوة الي قادها رئيس جماعة السمارة الي هو من ساكنتها الأصلية اوعارف هاد الملف شنو كيعني لبزاف ديال العائلات هي مهمة وغادي تنعاكس ايجابيا على الفئات المستهدفة وتعزز الاستقرار الاجتماعي بمدينة السمارة
وحسب مصادر السمارة اليومية فان ابراهيم الشريف في سنته الثانية من رئاسة جماعة السمارة بدا بتفعيل الملف بقوة وتجاوز العقبات اللي مانعة هاد العائلات يتعوضو واستثمر العلاقات ديالو باش هاد الملف يلقى حل بأسرع وقت ممكن وهو ما نجح فيه اخيرا
هذا الإنجاز اكيد غادي يلقى اشادة واسعة من ساكنة السمارة ويزيد يعطي دفعة قوية لرئيس جماعة السمارة باش يلقى حلول لعائلات هشة وشباب متزوج يعانون من أزمة السكن
اوغادي يبقى ديما هاد السؤال هو المطروح واش ابراهيم الشريف رئيس جماعة السمارة هو الشخصية الأبرز بزمور؟
