السمارة اليومية:السمارة
عاشت السمارة صباح اليوم الثلاثاء ازمة نقل خانقة بسباب اضراب سائقي الطاكسيات الصغيرة اللي كيطالبو بزيادة تعريفة نقل الاشخاص للمحطة الطرقية بالربيب ومحاربة النقل الغير المهيكل وإلزام طاكسيات لكبار الي كيجيبو الاشخاص من اربيب باش يوقفو فلمحطة ديال جامع لحجرة مايدخلوش لباقي احياء المدينة حيت هاد شي كيأثر عليهم
سائقي الطاكسيات دارو واحد الحوار لبارح مع السلطات الممعنية ماوصلو حتى نتيجة فالاخر خلاو طاكسيات قرب الكتابة العامة لعمالة السمارة ومشاو ينعسو
سائقي الطاكسيات فحوارهم لبارح مع السلطات كالو بأن كاين اتفاق شحال هادي مع الكتابة العامة انهم ايزيدو فتعريفة نقل الاشخاص إلى المحطة اربيب وينقصو فتعريفة نقل الأشخاص إلى الأحياء البعيدة بحال حي السلام وحي لازاب
سائقي الطاكسيات قالو بانهم التازمو بتخفيض التسعيرة لهاد الأحياء واصبحت 07دراهم عوض10دراهم فحين السلطات زيرت معاهم فين بغاو ايزيدو 05دراهم إلى المحطة اربيب وتولي بعشرين درهم
السلطات اللي كانت حاضرة بثقل ديالها كامل قالت بانه يجب الالتزام بالقرار العاملي اللي حدد تعريفة التنقل داخل لمدينة وخارجها إلى اربيب والمحطة جديدة
السلطات اكدات ان القرار العاملي تم الاتفاق عليه مع الهيئة الي كتمثل الطاكسيات خصو يحتارم راه لايعقل باش تولي توصل الأشخاص حتى محطة اربيب بعشرين درهم راه بزاف على المواطن وبخصوص النقل الغير المهيكل السلطة قالت انها كدير حملات بين الحين والاخر اما بخصوص الطاكسيات لكبار الي كيوصلو الأشخاص من وإلى الربيب كيحطوهم فمحطة جامع الحجرة واي سائق مخالف وتجاوز المحطة المخخصة ليهم راه كيتعرض لعقوبات زجرية
المهم من هادشي كامل خاص السلطة تلقا حلول لكاع مشاكل قطاع النقل بالسمارة وتزيد فالاسطول تاع الطاكسيات صغار لمدينة راه ولات كبيرة والناس راه كتأثر مصالحها اليومية بهاد الاضراب كاين الي باغي يمشي لخدمة ديالو كاين الي باغي يمشي لقرايتو كاين اوكاين
